Øyrane vidaregåande skule
Kjem du til Øyrane, vil du sjå ein figur som undrande møter skulen.
Figuren illustrerer ein elev som tenkjer: Kva møter meg på Øyrane vidaregåande skule?
Vi ønskjer deg velkomen til eit fellesskap der vi håpar at du vil bidra saman med andre,
til at skulen skal vere ein trygg og god plass for alle.
Skulen har seks ulike studieretningar. Byggfag, elektrofag, helse- og
sosialfag, hotell- og næringsmiddelfag, mekaniske fag og teknisk allmennfag. Skulen stod ny i 1994, samtidig
med at R-94 vart innførd. Særleg er dei nye verkstadlokala mykje betre enn dei vi hadde
ved Førde yrkesskule. Vi har no ein veldig fin skule med om lag 30 klassar i yrkesfaglege
studieretningar.
Skulen består av fem bygningar som ligg i ein park med planting, plenar og
gangvegar. I parken er det fontene og skulpturar som kan gje inspirasjon og estetiske
opplevingar. Skulebygningane er fint utforma og gjev eit godt inntrykk. Ein svært fin
stad å vere og å lære.