Formålet med reglementet er å bidra til godt samarbeid, god trivsel, respekt og medansvar. Reglementet skal fremje god orden og gode arbeidsvanar og slik leggje til rette for god læring.

Reglementet skal gje reglar for :

• Elevane sine rettar og plikter.
• Orden og åtferd.
• Tiltak overfor elevar som bryt reglane og seie noko om framgangsmåten ved behandling av slike saker.

Reglementet gjeld for alle elevar som er under opplæring ved skulen.

Reglementet gjeld og for elevar i vaksenopplæringa, lærlingeskuleelevar, hospitantar og andre når opplæringa går føre seg i skulen sin regi.

Reglementet gjeld og ved opplæringsformer og aktivitetar som blir gjeve under skulen sitt ansvar og i deira regi utanfor skulen sitt område. Dette så langt reglementet ikkje er i strid med lokalt gjevne påbod eller forbod.

a. Elevane har rett til vidaregåande opplæring i samsvar med opplæringslova, fylkeskommunale vedtak, gjeldande forskrifter og læreplanar.

b. I samarbeid har elevane og lærarane i klassen rett til medverknad ved

• Val av arbeids-, opplærings- og vurderingsformer/-metodar.
• Val av lærestoff.
• Utarbeiding av mål og periodeplanar, og gjennomføringa av desse.
• Utarbeiding av reglar for godt arbeids- og læringsmiljø i klassen.

c. Elevane har rett til å få kontinuerleg rettleiing og tilbakemelding undervegs i høve dei måla den enkelte arbeider etter.

Det skal gjennomførast elevsamtalar i samsvar med gjeldande forskrift. Det vil seie førebudde samtalar mellom elev og klassestyrar; eventuelt ein annan lærar.

d. Ved faglege, personlege eller sosiale vanskar som har innverknad på opplæringa, har elevane rett til rådgjeving, oppfølging og hjelp til å finne seg til rette. Dei har vidare krav på tilgang til sosial- og spesialpedagogisk teneste.

e.   Elevane har rett til rådgjeving om utdanning og yrkesval.

f.     Elevane har rett til å ta del i skulevurdering. Det vil seie ei kontinuerleg vurdering av i kva grad skulen si organisering, tilrettelegging og gjennomføring av opplæringa bidreg til å nå dei måla som er fastsette for eleven/gruppa/klassen; jf. mellom anna dei generelle og fagspesifikke delane av læreplanane.

g. Elevane har rett til og bør ta opp med skulen tilhøve som

• At læreplanane ikkje blir følgde.
• At eleven ikkje får den hjelpa han/ho ber om.
• Manglar ved det utstyret som blir nytta i undervisninga.
• Manglande medverknad i planlegginga m.v.; jf. punkt b.
• Dårleg læringsmiljø eller klassemiljø (t.d. mobbing).

h. Elevane har rett og plikt til å opprette elevråd; jf. § 11-6 i opplæringslova.

Elevråd og elevorganisasjonar har løyve til å bruke bestemte oppslagstavler til sine formål. Brukarane har ansvaret for at etiske retningsliner blir utarbeidde og følgde for denne verksemda. Dei har og ansvaret for at det blir rydda og at det blir halde god orden på desse tavlene. Rektor har det overordna ansvaret for at desse oppslagstavlene ikkje blir nytta til kommersiell bruk eller blir brukt på ein uakseptabel måte i høve lover og reglar.

Elevar og elevorganisasjonar kan etter avtale med skuleleiinga, drive politisk og

organisasjonsmessig arbeid på skulen i og utanom skuletida.

Skulen skal leggje til rette for best moglege arbeidstilhøve for elevane og elevorganisasjonane sine tillitsvalde.

Skulen skal og leggje tilhøva til rette for at elevane blir engasjerte til medvit og aktivitet i politiske og samfunnsmessige spørsmål.

Elevrådsrepresentantar har rett til regelmessige møte med skuleleiinga.

a. Elevane har plikt til å rette seg etter dei reglar i lov, forskrift og reglement som til eikvar tid gjeld.

b. Elevane pliktar å ta aktivt del i opplæringa i den forma den blir gjeven eller avtalt.

c. Elevane skal snarast mogleg ta kontakt med faglærar dersom han/ho ikkje kan følgje opp arbeid til avtalt tid.

d. Elevane skal følgje gjeldande verne- og sikringsreglar og bruke det arbeidstøyet og verneutstyret som blir kravd i læreplanar eller som er påbode av arbeidstilsynet, departementet eller skulen.

e. Elevane har plikt til å skaffe seg nødvendige/pålagde læremiddel, materiell og utstyr etter læreplanmålet.

Pålagt materiell/utstyr eller betaling for dette må ikkje vere i strid med forskrifter frå departementet og vedtak i fylkeskommunale organ.

f. Skulen sin eigedom og utstyr skal behandlast med varsemd og omtanke. Hærverk og skade kan medføre erstatningsansvar; jf. skadeserstatningslova.

g. Elevar som gjennom arbeidet sitt, oppdrag eller verv i samband med vidaregåande opplæring blir kjende med opplysningar som er underlagt teieplikt, har teieplikt etter reglane i forvaltningslova. Teieplikta gjeld og etter at eleven har avslutta vidaregåande opplæring.

Eit godt arbeids- og læringsmiljø er grunnleggjande for god opplæring.

Det skal difor leggjast vekt på å skape eit godt miljø prega av engasjement, aktiv deltaking og gode samarbeidsformer. Det er viktig å vise respekt, leggje til rette for medansvar og unngå eller hindre åtferd som har negativ innverknad på miljøet.

a. Alle må ta omsyn, opptre realt og høfleg overfor kvarandre. Plaging, mobbing, vold eller anna krenkjande åtferd blir ikkje akseptert og alle pliktar å hindre at dette skjer.

b. Arbeidsvanane i vidaregåande opplæring skal vere prega av ansvar, orden og det å vere ryddig, punktleg og påliteleg.

e. Det er viktig for trivselen at det blir halde god orden over heile skulen; både ute og inne. Alle skal opptre slik at krav til hygiene og helse blir ivareteke.

d. Røyking er helseskadeleg og ingen har løyve til å røykje eller bruke tobakk i skulen sine bygningar og lokale som skulen leiger. Det er berre lov til å røykje utandørs på tilvist røykjeplass.

Det blir spesielt understreka at:

- røyking ikkje skal skje ved inngangane og

- sigarettstumpar m.v. må kastast i oppsette boksar.

e. Bruk eller oppbevaring av rusmiddel er forbode på skulen sitt område. Det er og forbode å vere påverka av rusmiddel.

f. Det er forbode å ha med seg farlege gjenstandar eller våpen på skulen sitt område.

g. Bruk eller oppbevaring av rusmiddel er forbode på skulen sitt område. Det er og forbode å vere påverka av rusmiddel.

a. Aktiv deltaking er nødvendig for god læring. Elevane pliktar å møte presist til opplæringa med mindre det ligg føre avtale med faglærar(ar) eller rektor om ei anna arbeidsform.

b. Dersom ein elev blir sjuk eller av anna tvingande grunn må forlate opplæringa i løpet av skuledagen, skal han eller ho alltid melde ifrå til klassestyrar/faglærar eller administrasjonen.

c. Dersom fråværet varer meir enn tre dagar i samanheng, skal skulen ha melding.

d.   Skulen skal prøve å hjelpe elevar som får mykje fråvær på grunn av langvarig/kronisk sjukdom eller omsorgsansvar. Dette for å unngå tap av opplæring og sikre grunnlag for vurdering.

e. Alt fråvær blir ført på vitnemål, delkompetansebevis, årskursbevis og fagkarakterbevis. Fråvær blir ført i dagar og enkelttimar. For delkurselevar blir fråværet berre ført i enkelttimar.

Eleven/kursdeltakaren kan krevje at årsaka til fråværet blir påført dokumentasjonen, men er sjølv ansvarleg for å dokumentere årsaka til fråværet.

f. Høgt fråvær kan føre til at grunnlaget for den faglege vurderinga blir så svekka at det ikkje kan setjast termin- eller standpunktkarakter. Dette må likevel vurderast individuelt, mellom anna ut ifrå eleven si deltaking i prøvar, innleveringar og liknande.

For inntil 14 dagar blir følgjande ikkje rekna som fråvær:

• Arbeid som tillitsvald i landsdekkjande organisasjonar på regionalt plan eller landsplan.
• Arbeid som tillitsvald i elevorganisasjon på regionalt plan eller landsplan.
• Dokumenterte lovpålagde oppmøte.
• Dokumentert langvarig eller kronisk sjukdom (til saman to veker eller meir).
• Organisert hjelpearbeid i krisesituasjonar.
• Inntil to dagar ved religiøse høgtider for elevar som er medlemar i andre trussamfunn enn -Den norske kyrkja.

f.    Fråvær i slike samanhengar bør ein freiste å kompensere ved eigeninnsats tilrettelagt av skulen. Eleven må levere nødvendig dokumentasjon for denne typen fråvær til klassestyrar/skuleleiinga. -

g. Organisert eller sjølvstendig studiearbeid-og skuleadministrative gjeremål som blir utført i samråd med faglærar eller rektor, blir ikkje rekna som fråvær.

Følgjande blir rekna som fusk:

• Bruk av hjelpemiddel som ikkje er tillate.
• Kommunikasjon med andre elevar i ein prøvesituasjon, der dette ikkje er spesielt tillate/avtala på førehand.
• Avskrift av andre sitt arbeid som blir innlevert som eige produkt.

Fusk eller forsøk på fusk blir sett på som ei uærleg handling, eit tillitsbrot og eit brot på gjeldande forskrifter og reglement.

Karakteren på den prøven/innleveringa dette gjeld, blir annulert.

Dersom ein elev blir teken i fusk eller forsøk på fusk i samband med eksamen, skal dette straks meldast til rektor og/eller eksamensansvarleg og behandlast etter reglane i den sentralt gjevne forskrifta.

Brot på reglementet vil resultere i reaksjonar mot eleven i form av refsingsstiltak eller særskilde tiltak.

Refsingstiltak vil vere:

• Påtale frå ein av dei tilsette ved skulen.
• Bortvising frå klasse/gruppe for resten av timen etter avgjerd teken av faglærar.
• Bortvising frå skule for resten av skuledagen etter avgjerd teken av skuleleiinga.

Ved alvorlege brot på ordensreglementet eller dersom negative tilhøve ikkje blir betre, kan særskilde tiltak setjast i verk.

• Bortvising av eleven inntil fem skuledagar etter rektor si avgjerd.
• Bortvising for resten av skuleåret i samsvar med § 3-8 i opplæringslova. Vedtak blir gjort i Hovudutval for undervisning. Dette kan føre til at eleven i tillegg taper retten sin til vidaregåande opplæring etter § 3-1 i den same lova.

Tap av rettar fører ikkje til at eleven fell utanfor oppfølgingstenesta sitt ansvarsområde.

Tiltaka skal vere nedfelt skriftleg.

I tillegg til refsingstiltak eller særskilde tiltak kan til dømes følgjande vere ein konsekvens av brot på reglementet:

• Avgrensa adgang til spesielle aktivitetar ved gjentekne eller alvorlege brot på reglar/retningsliner for slike aktivitetar.
• Ved skade og liknande på skulen sin eigendom blir det stilt krav om reingjering/istandsetjing eller betaling av erstatning.
• Dersom ein elev har brote reglementet, vil dette bli teke omsyn til ved fastsetjing av termin- og standpunktkarakter i orden og åtferd.

Eleven skal kunne forklare seg før refsingstiltak blir sett i verk.

Ved særskilde tiltak skal rektor først rådføre seg med eleven sine lærarar. Før særskilde tiltak blir sette i verk, skal skulen først vurdere behov for og i kva grad det er mogleg med alternative tiltak.

Særskilde tiltak blir rekna som enkeltvedtak etter forvaltningslova. Eleven har såleis rett til dokumentinnsyn, partsuttale og klage på vedtak om bortvising, jf. kapittel IV-VI i

forvaltningslova. Eleven har krav på rettleiing om partsrettar og framgangsmåte ved klage.

Klageinstans for vedtak om tap av rett til vidaregåande opplæring er Statens utdanningskontor. For dei øvrige vedtaka er fylkeskommunen klageinstans.

Det skal leggjast vekt på å skape gode samarbeidsforhold mellom skule og heim. Foreldre/ føresette for umyndige elevar har også krav på god informasjon om dei forhold som har noko å seie for i kva grad det er mogleg for eleven å nå målet med opplæringa.

Sjølv om ein må gå ut ifrå at elevane formidlar aktuell informasjon til foreldre/føresette, bør det gjevast samanfattande skriftleg og/eller muntleg informasjon i samband med foreldremøte.

Så langt det er mogleg bør det kallast inn til foreldremøte minst ein gong pr. år for klassar med elevar under 18 år.

Elev og foreldre/føresette for umyndig elev har rett til følgjande:

• Melding om termin- og standpunktkarakterar.
• Ved standpunkt å få varsel med grunnngjeving om fare for ikkje vurdering/ikkje bestått i fag og nedsett karakter i orden og åtferd. § 4-17.
• Melding om alvorlege regelbrot eller gjentekne refsingstiltak.
• Nærmare informasjon dersom ein vesentleg eller spesielt risikofylt del av opplæringsaktivitetar skal gå føre seg utanom skulen sitt område.
• Partsrettar i samband med saksførebuing, melding og klage ved særskilde tiltak.
• Informasjon når eleven får høgt fråvær.
• Informasjon om særlege problem i forhold til opplæring/skulegang og behov for spesialundervisning.
• Tilbod om spesialundervisning skal så langt råd er, formast ut i samarbeid med eleven og foreldra til eleven, og det skal leggjast stor vekt på deira syn.
• Informasjon om tilhøve ved skulen/verksemda som kan ha negativ innverknad på helsa.
• Informasjon om ordensreglementet.