Restaurant- og matfag

Utdanningsprogram

Mattradisjonar og matvanar er blant dei fremste kjenneteikna på ein kultur. Frå naturalhushald har foredling av næringsmiddel utvikla seg til viktige bransjar innanfor industri, handverk, sal og service. Moderne samfunnsliv, med stadig større variasjon  når det gjeld bruk av råmateriale, produkt og tenester, set stadig større krav til desse bransjane. Denne studieretninga gir tilbod om opplæring innanfor mellom anna hotell- og restaurantnæringa, næringsmiddelbedrifter, og produksjon av mat-, fiske-, drikke-, bakar- og kjøttvarer. I desse bransjane er det heile tida utvikling av nye produkt og tenester. Dette er derfor eit felt for deg med fantasi og skaparevner, anten som ein fingernæm konditor, som kokk med evne til å komponere nye matrettar, eller om du vil vere med på å lage nye produkt i industrien. Alle kursa i denne studieretninga, med unntak av meieriindustri som gjev annan yrkeskompetanse, fører fram til fag- eller sveinebrev. I Kunnskapsløftet har klassane fått nye nemningar.
Ved Øyrane vidaregåande skule har vi desse tilboda innanfor programområdet:
Vg1 Restaurant- og matfag
Vg2 Matfag
Vg2 Restaurantfag